XUVENTUDES SOCIALISTAS DE VIGO CELEBROU O DÍA DA MÚSICA CUNHA CHARLA DO CANTAUTOR VIGUÉS SAMUEL LEVÍ
Samuel Leví ofreceu unha charla-coloquio ós mozos socialistas que escoitaron as experiencias e impresións persoais do músico vigués, quen reflexionou sobre o panorama musical da cidade e sobre as dificultades coas que os mozos músicos atópanse hoxe en día.
O músico citou á Casa da Xuventude de Vigo como un referente para os músicos de Vigo, pese a poñer de relevo que conta con poucos recursos. Samuel Leví manifestou que Vigo sofre unha importante carencia de salas musicais, e proclamou que na anterior lexislatura o Goberno Municipal endureceu a concesión de licenzas, o que freou o desenvolvemento musical da cidade.
Por outra banda, o músico tamén dixo que hai pouca xente interesada na música de verdade, pois moitos propietarios dos locais musicais, e os intermediarios da industria, están máis interesados en facer negocio que en promocionar ós novos talentos; “son os propios músicos os que deben pagar por actuar nunha sala, convertendo a música nun hobby moi caro, en lugar de nun modo de vida”.
Tamén resaltou que existen poucas axencias musicais en Vigo, e que levan poucos grupos, o que dificulta a entrada dos menos coñecidos.
Así mesmo, Samuel Leví tamén dixo que en Vigo “non hai unha verdadeira concienciación cultural de apoyo os grupos locales cando estes fan concertos” , e que as Institucións públicas non axudan na medida do que poderían, pois “cando veñen grupos de fóra de Vigo, o Concello podería esixir como condición a participación de músicos locais como teloneros, o que sería de grande axuda”.
Todos estes factores inciden negativamente no desenvolvemento dos músicos menos coñecidos, panorama no que Internet, ao xuízo do cantautor, tamén xoga un papel fundamental. Deste xeito, Internet ten unha dobre vertente.
Por unha parte, a rede supón unha oportunidade moi positiva, pois permite chegar a tódalas partes do mundo, e supón un xeito barato de darse a coñecer. O lado negativo é que a piratería supón un importante revés para a música en xeral. “As operadoras de internet consenten que a xente poida descargar música de balde; mentres éstes enchen os seus bolsillos cobrando pola utilización da rede, mentres, ninguén paga por os contidos os que ten acceso, desta forma, paga o acceso as compañías telefónicas, pero non lle paga os artistas pola súa obra.”
Samuel Leví tamén citou os planes de estudo musicais como algo a mellorar, pois teñen unha excesiva duración e conlevan pouco recoñecemento e saídas profesionais. Ademais, a demanda supera á oferta de prazas, que en moitos casos son cubertas ó azar. “É incomprensible que alguén que quere estudar música sexa privado diso porque a bola que sae do bingo non é o número que tes nas túas mans”.
Trala intervención do cantautor, abriuse un debate no que os asistentes plantexaron as súas inquedanzas, mentres o músico contestaba ás preguntaba a disipaba as dúbidas xurdidas sobre o tema.
Samuel Leví pechou o acto cunha breve actuación musical, coa que os asistentes puideron disfrutar do talento do xoven músico, quen cantou varias cancións, algunhas pertencentes ó seu álbum “Turno de noche” e outras inéditas.
0 comentarios:
Publicar un comentario